تسالني عن جروحي
التقيت معها كعادتي ..
بليلة يحلو معها السمر ..
تناوشني وتضاحكني وطالع بعينها ..
واشيل من عينها خصلة شعرها ..
ابتسم لها .. واشد بيدي اصابيع يدها..
تقول لي يااحمد ليش هالسكوت وابتسامتك ..
اللي مااعرف وش سببها ..
اجاوبها من هالجرووح اللي بقلبي وش كثرها
.
.
ترد علي بشجون وبذيك النعومة يافديت عمرها..
ليه اشوف الحزن بعيونك وجروحك ياكثرها ..؟
\
/
\
/
اجاوبها ..
حبيبتي انا ابقيك ..
ابي قلبك وابقي عمري مع عمرك ولكن ..
لكن الظروف ماتعطي كل انسان ماتمناهـ
هو حظي الردي ماجمعني مع حبك وعشرة اللي ياما تمنيتها ..
حسبي الله على حظٍ مانصفني بعمري وبـ عمرها ..
\
/
حبيبتي
اهلي وأهلك ومابقونـي لك ماادري وش اسوي وكيف افككها ..
احبك واغليك يابعد عيني بس هالدنيا ابد ماتعطي صاحبها ..
كتفوني بالكلام واقلقوني بالبعاد واهدوني السهر ودموع مااحد يوقفها ..
صرت اهووجس بأسمك وانا امشي كالرضيع يبقي حضن امه وهو بعيد عنها ..
ابيها ياناس ابيها واهلي واهلها مابقوني وش البلى فيني وفيها ..
قلبين وحبو بعض وروحين بجسد ليش اخذتوا منها امانيها ..
\
/
\
حبيبتي لاتبكين .. ايه لاتبكين
هذا الزمن قاسي مابقى يجمعنا ..
حبيبتي هوني هالشهق بالبكي وبذمتهم ظلمنا ..
تعالي على صدري وضميني وخففي عني الم هالجروح ووجعها
خففي عني هالشعور بنظرة وابتسامه تنسيني كل شي من هالدنيا ..
لاتخافين احنا لبعض .. والله لبعض احنا
إن ماماجمعنا الله بهالدنيا ...
إن شاء الله لي انتي بآخرتها ...
.:: خاطرة نثرية من بوح سامري ::.