رحلة الأيام لحظة ..
وكل انسان له يومه ..
من فلح دخل جناته ..
ومن لم يعمل ادعو الله يغفر زلاته ..
ياهي ايام وينها لو لحظة
ابوس راس امي وأطلب رضى الله سبحانه ..
.
.
شعور الموت سكرات ..
والاحساس فيه كلٍ راح يذوقه ..
تطلع النفس بالشهقات ..
وتمر كل احداث العمر بثواني ..
.
.
يمة يايمة جيتي بعيوني بشهقاتي ..
يافديت عمرك وحنانك ..
احساس قلبك وصلني ..
وصرخاتك ودمعاتك ..
انا هناك بعيد .. ايه هناك بعيد بعالم ثاني ..
لكن احساسك مابعدني عن احزانك ..
.
.
وتقولين آآه يااحمد وينك ..
وين ضماتك ،، ووين بوساتك ..
لا لا احمد مايروح عني ويخليني ..
ايه الان رح يجيني ..
اشم ريحته .. واسمع بوذيني حكياتة
لا لا مايخليني ..
ابي اضمه وابكي بصدره واشووووووف الدنيا بدموع عينه ..
آآه ياعيالي وينكم جيبولي وليدي
ابي قلبه ..
وابي المس كفوفه ..
.
.
هو ماراح يجيني ..؟ لا هو دايم يروح ويجيني
يزعل علي ويرضى ويبوس قلبي وراسي ويديني
يايمه امك تبقيك .. تبقيك ترجع بسمتها
وايامها الحلوه ..
يايمه امك تبقيك ..وتبقي جمعتك الحلوه
يايمه تعال .. تعال لي وكل ايامك رح تكون حلوه ..
.
.
ياعيالي هو ماراح يجي ..؟
رح تدفنونه ..؟
لا لا ياعيالي لا ..
عيالي تكفوون ابي اشوف جثته قبل لاتدفنونه
ابي ابوس جبهته واضمه قبل مايحضن اللحد كتوفة
ياعالم ..
آآه ياخوانه وربعه
هذا وليدي ..!!
هذا عمري ..!!
هذا نور عيني ..!!
هذا ونيس جلساتكم ..
لا تخلونه ..
ماراح تفقدونه ..؟
رح تخلونه ..؟
.
.
آآه ياخواته
تعالوا ياخواته
هذا نور بيتكم
هذا من يحاكيكم
هذا من ياخذ بأحضانه احزانكم ويعطيكم افراحة
ياخواته ماراح تفقدونه ..؟
يابناتي احمد رااااح .. عنكم رااح وراحت سنينة
ابكو وابكو وابكو وادعوو له ..
راح من يضحكم ويعصب عليكم ..
راحت سنينه وعمرة بلحظه راحت
.
.
ياام عبدالله هو ماقال لك رح يجيك ..؟
ياام عبدالله ماقالك يبقي يطلبك ولا تردين ..؟
ياام عبدالله قال لك يومين ويجي ليش ماجا ..؟
ماضحك وياك وقال لك ابي زوجه ..؟
اختاريها بعيونك وقلبك لي وابي عيالي ماينسونك ..؟
ماحن عليك بدايم طلباته ..؟
لا احمد ماصدق انه راح .. ومافرحت فيه وبعياله ..
لا ماصدق ودوني احضن اغراض غرفته ..
لا ماصدق ابي دفا غرفته .. وثيابه واشمغته ..
آآه ابقي اشم ريحته واحضن واحط بقلبي غترته ..
.
.
يايمه تكفين لاتبكين
.
.
واللي غرس في قلبي محبتك لاتبكين
.
.
احلفك باللي اخذ روحي لاتبكيين ..
.
.
جفت دموعك وهزل قلبك من بكيك
.
.
يايمه.. يمه واللي خلقني رح نلتقي ..
نلتقي بمكان احسن من هالمكان
بس ارضي علي .. ارضي على احمد لاجل نلتقي .
نجلس ونضحك واجي بحضنك واضمكـ وابوي من حولي ،،
يايمه ليش ماتسكتين ..
لاتعذبين وليدك من بكيك
اخواني .. وينكم يااخواني
ياخواني لاتخلونها تبكي
علموها الصبر ..
علموها إن احمد يبقيها صبوره وترضى عليه
علموها إن احمد يبوس يدها وراسها ومن توطي عليه..
علموها أنه راح لأبوه بجنة الخالق وينتظر الكل يجيه ..
بقلم سامري
هناك تعليق واحد:
مجنوووووون ليه كل ذا الحزن؟؟؟؟؟!!
الدنيا ما تسوى،،،
وبعيد الشر عنك
ألــ م ـــاس
إرسال تعليق